🚨 महामार्गावर धगधगती व्हॅन; थरारक प्रसंगात सुदैवाने तिघे वाचले

Nandurbar Maharastra News @ Reporter Pakale Bhupendra Umakant2 hours ago

9 1 minute read

🚨

बचावले!

धुळे जिल्ह्यातील पिंपळनेर–सामोड महामार्गावर काल सकाळी सुमारे ११ वाजण्याच्या सुमारास एक भीषण घटना घडली. प्रवाशांनी भरलेली ओम्नी व्हॅन अचानक पेट घेतल्याने परिसरात एकच खळबळ उडाली.

पिंपळनेरहून सामोडमार्गे साक्रीकडे जात असलेल्या या व्हॅनमध्ये तीन जण प्रवास करत होते. आग लागल्याचे लक्षात येताच त्यांनी प्रसंगावधान राखत तत्काळ वाहनाबाहेर उडी घेतली, त्यामुळे मोठा अनर्थ टळला आणि सर्वजण सुखरूप बचावले.

प्राथमिक तपासात वाहनाच्या वायरिंगमध्ये झालेल्या शॉर्ट सर्किटमुळे आग लागल्याचा अंदाज व्यक्त करण्यात येत आहे. तसेच वाढते तापमान आणि दीर्घकाळ सतत वाहन चालवल्यामुळेही ही घटना घडल्याची शक्यता वर्तवली जात आहे.

घटनेची माहिती मिळताच पोलीस आणि अग्निशमन दल तात्काळ घटनास्थळी दाखल झाले. अग्निशमन दलाने तत्परतेने कारवाई करत आगीवर नियंत्रण मिळवले. मात्र, या घटनेमुळे महामार्गावर दोन्ही बाजूंनी सुमारे दोन किलोमीटरपर्यंत वाहनांच्या लांबच लांब रांगा लागल्या होत्या.

या घटनेमुळे वाहनचालकांमध्ये भीतीचे वातावरण निर्माण झाले असून, वाहनांची नियमित तपासणी करण्याचे महत्त्व पुन्हा अधोरेखित झाले आहे.