વધી રહેલા અન્યાય અત્યાચાર સમાજ ની પરિસ્થિતિ . સમાજના હકનું કોઇ લઇ જાય છે??!

ગુજરાતમાં દલિત સમાજના હક્કો માટે ૫૫થી વધુ માંગો સાથે મુખ્યમંત્રીને આવેદનપત્ર, અનુસૂચિત જાતિના નાગરિકોએ બંધારણીય અધિકારોના અમલ માટે  પત્ર લખ્યો
ગાંધીનગર, ૨૩ નવેમ્બર ૨૦૨૫.   કાંતિભાઇ  પરમાર. માનવ અધિકાર

ગુજરાતના અનુસૂચિત જાતિ સમાજ વતી એક વિશાળ આવેદનપત્ર મુખ્યમંત્રી ભૂપેન્દ્ર પટેલને સોંપવામાં આવ્યું છે, જેમાં દલિત સમાજના આર્થિક, શૈક્ષણિક, સામાજિક, રોજગાર, આરોગ્ય, જમીન અને ન્યાયિક અધિકારોના કડક અમલ માટે ૫૫થી વધુ મુખ્ય માંગો રજૂ કરવામાં આવી છે.

આ પત્રમાં સૌથી મહત્વની માંગ રાજ્યમાં ખાસ અંગભૂત યોજના (SCSP/TSP) માટે અલગ કાયદો બનાવવાની છે, જેમાં અનુસૂચિત જાતિની વસ્તીના પ્રમાણમાં રાજ્ય બજેટનો ૭ ટકા ભાગ ફક્ત દલિત વિકાસ માટે ફાળવવો અને તેનો ડાયવર્ઝન ન કરવું તેવી કાયદાકીય બાંહેધરી આપવામાં આવે.
મુખ્ય માંગોમાં શામેલ છે:
અછાતમુક્ત ભારત માટે રાજ્યમાં વિશેષ કાર્યક્રમ જાહેર કરવો, આર્ટિકલ ૧૭નો સંપૂર્ણ અમલ કરવો
મેન્યુઅલ સ્કેવેન્જિંગ તથા માથે મેલું ઉપાડવાની પ્રથા સંપૂર્ણપણે બંધ કરવી, ૧૯૯૩ પછી ગટરમાં મૃત્યુ પામેલા ૩૦૦થી વધુ કામદારોના પરિવારોને ₹૧૦ લાખ વળતર અને પુનર્વસન
અનુસૂચિત જાતિના શિક્ષિત બેરોજગાર યુવાનોને સરકારી નોકરીમાં વિશેષ ભરતી ઝુંબેશ તથા ધો.૧૦ પાસથી ઉપરના તમામને બેરોજગારી ભથ્થું
જમીન વિહોણા દલિત કુટુંબોને ૨થી ૫ એકર જમીનની ફાળવણી, પડતર જમીન તાત્કાલિક વહેંચણી
એટ્રોસિટી એક્ટનો કડક અમલ, દરેક જિલ્લામાં ખાસ અદાલતો, ૬૦ દિવસમાં કેસનો નિકાલ
ખાનગી ક્ષેત્રમાં પણ અનામત લાગુ કરવી, કોન્ટ્રાક્ટ આઉટસોર્સિંગ બંધ કરી સીધી ભરતી
પ્રાથમિકથી ઉચ્ચ શિક્ષણ સુધીની સ્કોલરશિપમાં ડબલ વધારો, વિદેશ અભ્યાસ માટે ₹૨૫ લાખની લોન + ૫૦% સબસિડી
દરેક ગામના દલિત વિસ્તારમાં ડૉ. આંબેડકર ભવન, પાણી-રસ્તા-વીજળી-ગટર જેવી મૂળભૂત સુવિધાઓ
ઉના કાંડના પીડિતોનું પુનર્વસન, ખોટા કેસો પરત ખેંચવા
રાજ્યમાં અલગ ‘અનુસૂચિત જાતિ આયોગ’ તથા ‘રાજ્ય સફાઈ કર્મચારી આયોગ’ની રચના
પત્રમાં એવો આક્ષેપ કરવામાં આવ્યો છે કે ૨૦૧૫-૨૦૧૮ દરમિયાન અનુસૂચિત જાતિ માટે ફાળવાયેલ ₹૪,૯૨૦૫ લાખના છાત્રાલયોને ‘સમરસ હોસ્ટેલ’ જાહેર કરીને બિન-અનુસૂચિત જાતિના વિદ્યાર્થીઓને પ્રવેશ આપી નાણાંનો દુરુપયોગ કરવામાં આવ્યો છે, જેનો ઠરાવ રદ કરવાની માંગ કરવામાં આવી છે.
આ પત્ર દલિત અધિકાર કાર્યકર્તાઓ, સંગઠનો અને સમાજના પ્રતિનિધિઓ વતી લખવામાં આવ્યો છે અને તેમાં ચેતવણી આપવામાં આવી છે કે જો માંગો પૂરી ન થાય તો રાજ્યવ્યાપી આંદોલન કરવામાં આવશે.
હવે બધી નજર મુખ્યમંત્રી કાર્યાલયના જવાબ પર છે. શું ગુજરાત સરકાર આ વિશાળ માંગપત્ર પર કોઈ ઠोस પગલાં લેશે? દલિત સમાજ આતુરતાથી રાહ જોઈ રહ્યો છે.