​Gujarat News : શ્રી વિનય વિદ્યા મંદિર,થરા ખાતે ‘શિક્ષક દિન’ની ભવ્ય ઉજવણી કરવામાં આવી.

ब्यूरो चीफ मुकेश कुमार पाटन, गुजरात 

ભારતના પૂર્વ રાષ્ટ્રપતિ અને મહાન શિક્ષણવિદ ડૉ. સર્વ પલ્લી રાધાકૃષ્ણનની જન્મ જયંતી નિમિત્તે દર ઓગડ તાલુકાના મુખ્ય મથક થરામાં આવેલ શ્રી વિનય વિદ્યા મંદિર માં ત્રીજી સપ્ટેમ્બર ૨૦૨૬ ના રોજ સંસ્થા ના પ્રમુખ અણદાભાઈ પટેલ ની સૂચના દ્વારા આચાર્ય હરેશભાઈ ચૌધરી ના માર્ગદર્શન હેઠળ ‘શિક્ષક દિન’ની ઉત્સાહભેર ભવ્ય ઉજવણી કરવામાં આવી હતી.આજના દિવસનું મુખ્ય આકર્ષણ એ હતું કે શાળાના સંચાલનની સંપૂર્ણ જવાબદારી વિદ્યાર્થીઓએ પોતે સંભાળી હતી.આ આયોજન અંતર્ગત ધોરણ ૯ થી ૧૨ના વિદ્યાર્થીઓએ ઉત્સાહપૂર્વક ભાગ લીધો હતો જેમાં શાળાના આચાર્ય તરીકે શ્રીમાળી પ્રિયાસી અશોકભાઈ સુપરવાઈઝર તરીકે જિનલ એમ.ચૌધરી,વિશ્વા એન.પટેલ સહીત ૭૦ વિદ્યાર્થીઓએ શાળાના તમામ સ્તરોના કર્મચારીઓની ભૂમિકા ખૂબ જ ગંભીરતા અને નિષ્ઠાપૂર્વક ભજવી હતી.આચાર્ય ની ભૂમિકા શાળાના વહીવટ અને શિસ્ત જાળવવા માટે એક તેજસ્વી વિદ્યાર્થીએ આચાર્ય તરીકેની જવાબદારી સંભાળી હતી.ધોરણ ૯ થી ૧૨ ના વિદ્યાર્થીઓએ અલગ-અલગ વિષયોના શિક્ષકો બનીને વર્ગ ખંડોમાં જઈ ખૂબ જ રસપ્રદ શૈલીમાં શૈક્ષણિક કાર્ય કરાવ્યું હતું.સેવકગણની ભૂમિકામાં વિદ્યાર્થીઓએ શાળાના સેવક ભાઈઓની ભૂમિકા ભજવીને સમયસર બેલ (ઘંટ) વગાડવો અને અન્ય આનુષંગિક વ્યવસ્થાઓ સંભાળી હતી.

દિવસ દરમિયાનની કામગીરી અને શિસ્ત આજની સમગ્ર શાળાનું સંચાલન વિદ્યાર્થી સંચાલિત હોવા છતાં, શાળા માં અદ્ભુત શિસ્ત અને વ્યવસ્થા જોવા મળી હતી. ‘બાલ-શિક્ષકો’ એ પૂર્વ તૈયારી સાથે વર્ગોમાં જઈને વિદ્યાર્થીઓને ભણાવ્યા હતા, જેનાથી તેમનામાં નેતૃત્વ અને વક્તૃત્વના ગુણોનો વિકાસ થયેલો જોવા મળ્યો હતો. શાળાની દૈનિક પ્રવૃત્તિઓ, પ્રાર્થના સભા અને શૈક્ષણિક તાસનું સંચાલન ખૂબ જ સુવ્યવસ્થિત રીતે થયું હતું. વિદ્યાર્થીઓએ પોતાની આ જવાબદારી અત્યંત સારી રીતે નિભાવીને સૌના દિલ જીતી લીધા હતા.સમાપન અને પ્રોત્સાહન શાળા સમયના અંતે એક સભાનું આયોજન કરવામાં આવ્યું હતું. જેમાં શાળાના મૂળ આચાર્ય અને શિક્ષકગણે વિદ્યાર્થીઓની આ સુંદર કામગીરી,શિસ્ત અને વ્યવસ્થાપનની મુક્ત કંઠે પ્રશંસા કરી હતી. શિક્ષક બનેલા વિદ્યાર્થીઓએ પણ પોતાના અનુભવો રજૂ કર્યા હતા અને જણાવ્યું હતું કે શિક્ષકનું કાર્ય કેટલું જવાબદારી પૂર્વકનું હોય છે. સમગ્ર શાળા પરિવાર માટે આજનો દિવસ અત્યંત આનંદદાયક, પ્રેરણાદાયી અને સફળ રહ્યો હતો.