ગીર સોમનાથ , તાલાલા ગીર.. શું ન્યાય માટે આત્મહત્યા કરવી પડશે,? પીડિત પરિવાર સાથે ખેલ ખેલાય છે,??
"मेरी ज़िंदगी से मत खेलो, ऐ दरिंदों! ज़रा अपने घर के परिंदों की भी फ़िक्र कर लो। तुम्हारे आँगन में भी कोई बेटी होगी, फिर कैसे भूल गए कि बेटियाँ सबकी साँझी होती हैं? जो बेटी की चीख़ न सुन सके, वह इंसान नहीं, राक्षस कहलाने के योग्य है।"
ગીર સોમનાથના POCSO કેસમાં તપાસ પર ગંભીર સવાલો: પિતાનો વીડિયો વાયરલ, “ન્યાય નહીં મળે તો આત્મહત્યા કરીશ”
તાલાલા, ગીર સોમનાથ:
ગીર સોમનાથ જિલ્લાના તાલાલા પોલીસ સ્ટેશનમાં નોંધાયેલા POCSO કેસમાં હવે ગંભીર વિવાદ ઊભો થયો છે. સગીરાના પરિવારનો આરોપ છે કે કેસની તપાસ હજુ સુધી સંપૂર્ણ, વૈજ્ઞાનિક અને અસરકારક રીતે કરવામાં આવી નથી. પરિવાર દ્વારા જિલ્લા પોલીસ અધિક્ષક સહિત ઉચ્ચ અધિકારીઓને રજૂઆત કરીને સમગ્ર તપાસની ઉચ્ચ સ્તરીય સમીક્ષા અને જવાબદાર અધિકારીઓની ભૂમિકાની તપાસ કરવાની માંગ કરવામાં આવી છે.
પરિવારના જણાવ્યા મુજબ, સગીરાએ શરૂઆતના નિવેદન બાદ વધુ ગંભીર હકીકતો જણાવી છે, જેમાં કથિત ધમકી, ડિજિટલ બ્લેકમેઇલ અને ગંભીર જાતીય શોષણના આક્ષેપોનો સમાવેશ થાય છે. પરિવારની માંગ છે કે આ નવા ખુલાસાના આધારે પૂરક નિવેદન નોંધવામાં આવે, જરૂરી હોય તો વધુ ગંભીર કાનૂની કલમો ઉમેરવામાં આવે અને તમામ મુદ્દાઓની નિષ્પક્ષ તપાસ કરવામાં આવે.
રજૂઆતમાં ખાસ ભાર મૂકવામાં આવ્યો છે કે Snapchat સહિતના સોશિયલ મીડિયા એકાઉન્ટ, મોબાઇલ ફોન, ચેટ, ફોટા, વીડિયો, અન્ય તમામ ડિજિટલ પુરાવાનું ફોરેન્સિક વિશ્લેષણ કરવામાં આવે. પીડિતાના ખાનગી ફોટા અન્ય કોને મોકલાયા, તેનો કોઈ દુરુપયોગ થયો કે નહીં અને ડિજિટલ પુરાવા સાથે કોઈ ચેડાં થયા છે કે કેમ તેની પણ તપાસ કરવાની માંગ કરવામાં આવી છે.
આ દરમિયાન સગીરાના પિતાનો એક વીડિયો સામે આવ્યો હોવાનું જણાવવામાં આવે છે. વીડિયોમાં તેઓ ભારે માનસિક તણાવમાં દેખાઈ રહ્યા છે અને “જો અમને ન્યાય નહીં મળે તો હું આત્મહત્યા કરીશ” એવી વાત કરતા સાંભળવા મળે છે. સાથે જ તેઓ પોલીસ સામે ગંભીર આક્ષેપો પણ કરતા હોવાનું જણાવાય છે…
આ ઘટનાએ અનેક ગંભીર પ્રશ્નો ઊભા કર્યા છે. શું POCSO જેવા સંવેદનશીલ કેસમાં તમામ જરૂરી ડિજિટલ અને ફોરેન્સિક પુરાવા એકત્રિત કરવામાં આવ્યા છે? શું સગીરાના નવા ખુલાસાની સંપૂર્ણ તપાસ થશે? અને શું પરિવારને કાયદા મુજબ સુરક્ષા તથા ન્યાય મળશે?
Subscribe to my channel
