રાજકોટ રૈયા રોડ યુવકે જાહેર રોડ પર કર્યો નગ્ન ડાન્સ

રાજકોટના રૈયા રોડ પર : આલાપ ગ્રીન સિટી પાસે નશામાં ધૂત યુવકે નગ્ન હાલતમાં કર્યો ડાન્સ, નશાના કારોબાર સામે ફરી ઉઠ્યા સવાલ

રાજકોટ: શહેરના રૈયા રોડ પર આવેલ આલાપ ગ્રીન સિટી નજીક એક યુવક નશાની હાલતમાં નગ્ન થઈ જાહેર રસ્તા પર ડાન્સ કરતો જોવા મળ્યો હતો. આ ઘટનાથી સ્થાનિકોમાં ભારે ચકચાર મચી હતી. ઘટનાના વીડિયો સોશિયલ મીડિયામાં વાયરલ થતાં લોકોમાં ચિંતા અને રોષની લાગણી જોવા મળી રહી છે.

આ ઘટના માત્ર એક વ્યક્તિના વર્તનનો મુદ્દો નથી, પરંતુ શહેરમાં વધી રહેલા નશાના વ્યસન અને તેના સંભવિત ગેરકાયદે કારોબાર સામે ગંભીર સવાલો ઊભા કરે છે. સવાલ માત્ર દારૂનો કે અન્ય કોઈ કેફી દ્રવ્યનો નથી, પરંતુ ખુલ્લેઆમ ગલી-મોહલ્લા અને રોડ-રસ્તા સુધી નશાની અસર કેમ પહોંચી રહી છે અને આવી પરિસ્થિતિ ઊભી થવા પાછળ જવાબદાર કોણ છે ,? તે પણ મહત્વનો મુદ્દો છે.

ગેરકાયદે કારોબાર સામે સતત અને અસરકારક કાર્યવાહી થઈ રહી છે કે નહીં? સંબંધિત તંત્ર દ્વારા નિયમિત દેખરેખ, ગુપ્ત માહિતીના આધારે કાર્યવાહી અને આવા કારોબાર સાથે સંકળાયેલા તત્વો સામે કડક પગલાં લેવામાં આવી રહ્યા છે કે કેમ,? તેવા પ્રશ્નો પણ ઉઠી રહ્યા છે.
નશાનું વ્યસન માત્ર વ્યક્તિને જ નહીં પરંતુ સમગ્ર પરિવાર અને સમાજને અસર કરે છે. અનેક પરિવારો આર્થિક, સામાજિક અને માનસિક રીતે મુશ્કેલીઓનો સામનો કરે છે. યુવાનો વ્યસનની લતમાં ફસાતા ગુનાખોરી, અકસ્માતો, ઘરેલુ વિખવાદ અને જાહેર શાંતિ ભંગ થવાના બનાવોમાં પણ વધારો થતો હોવાનું વિવિધ પ્રસંગોએ સામે આવ્યું છે.
લોકોની માંગ છે કે પોલીસ અને સંબંધિત વિભાગો ગેરકાયદે નશાના કારોબાર સામે વધુ કડક અને સતત કાર્યવાહી કરે, જેથી નિર્દોષ નાગરિકોને આવી પરિસ્થિતિનો ભોગ ન બનવું પડે. સાથે જ વ્યસનમુક્તિ અંગે જનજાગૃતિ વધારવા અને યુવાનોને વ્યસનથી દૂર રાખવા માટે પણ અસરકારક પ્રયાસો કરવામાં આવે તે સમયની જરૂરિયાત બની છે. ખરેખર તો લોકોએ નિર્ભય, નીડર,નિષ્પક્ષ, અવાજ ઉઠાવવા જાગૃત થવાની જરૂર છે, આપણી જવાબદારી છે આપણી આસપાસ થતી ગેરપ્રવુતીઓ સામે લોકોએ પોતેજ આગળ આવવું પડશે,,