नंदुरबार जिल्ह्यातील विद्यार्थ्यांसाठी ‘आरोग्यदायी’ गोड बातमी: जिल्हा प्रशासनाच्या पुढाकाराने लोहयुक्त बिस्किटांचे वाटप सुरू

नंदुरबार जिल्ह्यातील विद्यार्थ्यांसाठी 'आरोग्यदायी' गोड बातमी: जिल्हा प्रशासनाच्या पुढाकाराने लोहयुक्त बिस्किटांचे वाटप सुरू: नंदुरबार जिल्ह्यातील विद्यार्थ्यांमधील कुपोषण आणि रक्ताल्पता (ॲनिमिया) या समस्यांवर मात करण्यासाठी जिल्हा प्रशासनाने एक स्तुत्य पाऊल उचलले आहे. जिल्हाधिकारी मिताली सेठी यांच्या मार्गदर्शनाखाली जिल्ह्यातील सर्व प्राथमिक, माध्यमिक, जिल्हा परिषद, नगरपालिका आणि खाजगी अनुदानित शाळांमध्ये ब्रिटानिया कंपनीच्या वतीने 'लोहयुक्त' (Iron-fortified) बिस्किटांचे वितरण सुरू करण्यात आले आहे. पुढील पाच वर्षांसाठी राबविल्या जाणाऱ्या या मोहिमेत ब्रिटानिया कंपनी, जिल्हा प्रशासन आणि एनजीओ टीमचे साईनाथ सर व महेंद्र सर यांच्या संयुक्त विद्यमाने हे नियोजन करण्यात आले आहे. विद्यार्थ्यांच्या आरोग्यासाठी उपयुक्त या बिस्किटांमध्ये लोहाचे (Iron) प्रमाण अधिक असल्याने विद्यार्थ्यांच्या रक्तातील HB (हिमोग्लोबिन) वाढण्यास मोठी मदत होणार आहे. तसेच मुलांच्या वजन वाढीसाठीही ही बिस्किटे उपयुक्त ठरतील. विशेष म्हणजे, ही बिस्किटे Britannia Tiger choco cookiesचॉकलेट फ्लेवरची आणि चवीला बाजारातील नियमित बिस्किटांसारखीच असल्याने मुले ती अतिशय आवडीने खात आहेत. सेवनाचे महत्त्वाचे नियम आणि प्रमाण प्रशासनाने बिस्किट सेवनाबाबत वयोगटानुसार विशिष्ट प्रमाण निश्चित केले असून, शिक्षकांनी व पालकांनी त्याचे पालन करणे आवश्यक आहे: | वयोगट | प्रतिदिन ठरवून दिलेले प्रमाण | |---|---| | १ ते ९ वर्षे | २ बिस्किटे प्रतिदिन | | १० ते १९ वर्षे | ३ बिस्किटे प्रतिदिन | > महत्त्वाची सूचना: एका पुड्यात १२ बिस्किटे असली, तरी मुलांनी ठरवून दिलेल्या प्रमाणापेक्षा जास्त बिस्किटे खाऊ नयेत. अतिसेवनामुळे उलट्या किंवा पचनाच्या समस्या उद्भवू शकतात. अशा वेळी घाबरून न जाता डॉक्टरांचा सल्ला घ्यावा. > स्वच्छतेची काळजी घ्या बिस्किटांचा पुडा फोडण्यापूर्वी मुलांनी हात स्वच्छ धुणे अनिवार्य आहे. तसेच, एकदा पुडा फोडल्यानंतर त्यातील बिस्किटे साधारणतः १ ते 2 तासांच्या आत संपवावीत, असे आवाहन एनजीओ टीम आणि प्रशासनाकडून करण्यात आले आहे. जिल्ह्यातील विद्यार्थ्यांचे आरोग्य सुदृढ व्हावे, या उद्देशाने राबविल्या जाणाऱ्या या उपक्रमाचे सर्व स्तरांतून स्वागत होत आहे.हा बिस्कीट वाटपाचा उपक्रम पुढील सलग 5 वर्ष पर्यंत राबवीला जाणार आहे.