સુરેન્દ્રનગર: દસાડા પોલીસના કથિત આતંક સામે વલેવડા ગ્રામજનોના પોલીસ સ્ટેશનમાં ધરણા

દસાડા, સુરેન્દ્રનગર સુરેન્દ્રનગર જિલ્લાના દસાડા તાલુકાના વલેવડા ગામમાં પોલીસ દ્વારા આચરવામાં આવેલી કથિત દમનકારી કામગીરીને પગલે ભારેલા અગ્નિ જેવી સ્થિતિ સર્જાઈ છે. બુટલેગરોની માહિતી આપનાર જાગૃત યુવાનો અને વૃદ્ધ મહિલાઓ પર પોલીસ દ્વારા કરવામાં આવેલા હુમલાના વિરોધમાં આજે મોટી સંખ્યામાં ગ્રામજનોએ દસાડા પોલીસ સ્ટેશનનો ઘેરાવો કરી ધરણા પ્રદર્શન યોજ્યું

​ઘટનાની વિગત: માહિતી આપનાર જ બન્યા ભોગ

​પ્રાપ્ત વિગતો અનુસાર, વલેવડા ગામના કેટલાક જાગૃત યુવાનોએ વિસ્તારમાં ચાલતી ગેરકાયદેસર દારૂની પ્રવૃત્તિઓ અંગે પોલીસને બાતમી આપી હતી. જોકે, ગ્રામજનોનો આક્ષેપ છે કે પોલીસે બુટલેગરો સામે કાર્યવાહી કરવાને બદલે તેમને છાવર્યા હતા અને માહિતી આપનાર યુવાનોને જ નિશાન બનાવી ઢોર માર માર્યો હતો.

​મુખ્ય આક્ષેપો:

• • ​મહિલાઓ પર હુમલો: ગ્રામજનોએ આક્ષેપ કર્યો છે કે પુરુષ પોલીસ કર્મચારીઓએ ગામની વૃદ્ધ મહિલાઓ સાથે પણ અમાનવીય વર્તન કરી તેમને માર માર્યો હતો, જેમાં અનેક મહિલાઓ ઘાયલ થઈ છે.
  • ​રિવોલ્વર બતાવી ધમકાવ્યા: PI ઉપાધ્યાય પર ગંભીર આક્ષેપ કરતા લોકોએ જણાવ્યું કે, તેમણે જાહેરબજારમાં રિવોલ્વર કાઢી લોકોને ડરાવી ભયંકર આતંક મચાવ્યો હતો.
  • ​ન્યાયની માંગ: રોષે ભરાયેલા ગ્રામજનોએ માંગ કરી છે કે જવાબદાર PI અને અન્ય પોલીસકર્મીઓ સામે તાત્કાલિક કડક તપાસ કરી કાયદાકીય કાર્યવાહી કરવામાં આવે.

​“અમે ગુનાખોરી મુક્ત ગામ બનાવવા પોલીસને મદદ કરી અને બદલામાં પોલીસે અમારા જ દીકરાઓ અને માતાઓ પર લાઠીઓ વરસાવી. જ્યાં સુધી દોષિત પોલીસ અધિકારીઓ સામે કાર્યવાહી નહીં થાય, ત્યાં સુધી અમે અહીંથી ખસીશું નહીં.” – નૌશાદ સોલંકી