કોડિનાર મિતિયાજ ગામ માટે ગૌરવની પળ: શિક્ષક અરશીભાઈ રાઠોડને તાલુકા કક્ષાનો ‘બેસ્ટ શિક્ષક એવોર્ડ–2026’

મિતિયાજ ગામ માટે ગૌરવની પળ: શિક્ષક અરશીભાઈ રાઠોડને તાલુકા કક્ષાનો ‘બેસ્ટ શિક્ષક એવોર્ડ–2026’
કોડીનાર તાલુકાના મિતિયાજ ગામની પ્રાથમિક કન્યા શાળાનું ગૌરવ વધ્યું

કોડીનાર તાલુકાના મિતિયાજ ગામ માટે ગૌરવની પળ આવી છે. મિતિયાજ ગામની પ્રાથમિક કન્યા શાળામાં શિક્ષક સહાયક તરીકે નિષ્ઠાપૂર્વક ફરજ બજાવતા શ્રી અરશીભાઈ સામતભાઈ રાઠોડની તાલુકા કક્ષાએ ‘બેસ્ટ શિક્ષક એવોર્ડ–2026’ માટે પસંદગી કરવામાં આવી હતી. શિક્ષણ ક્ષેત્રે તેમની ઉત્કૃષ્ટ કામગીરી બદલ તેમને આ ગૌરવવંતા એવોર્ડથી સન્માનિત કરવામાં આવ્યા છે.
અરશીભાઈ રાઠોડે શિક્ષણ પ્રત્યેની અથાક નિષ્ઠા, ઉત્કૃષ્ટ કાર્યદક્ષતા તેમજ શાળાની વિદ્યાર્થિનીઓના સર્વાંગી વિકાસ માટે સતત પ્રયત્નો કર્યા છે. દિકરીઓના શિક્ષણ, ઘડતર અને પ્રતિભા વિકાસ માટે તેમણે કરેલી ભગીરથ કામગીરીની કદરરૂપે તેમને આ સન્માન પ્રાપ્ત થયું છે.
ગામમાં શિક્ષણનું સ્તર ઊંચું લાવવા તથા વિદ્યાર્થિનીઓને ગુણવત્તાયુક્ત શિક્ષણ અને સારું વાતાવરણ મળી રહે તે માટે તેઓ સતત પ્રયત્નશીલ રહ્યા છે. તેમની આ સિદ્ધિથી માત્ર પ્રાથમિક કન્યા શાળા જ નહીં, પરંતુ સમગ્ર મિતિયાજ ગામનું નામ પણ રોશન થયું છે.
અરશીભાઈ રાઠોડને મળેલા આ સન્માન બદલ મિતિયાજ ગામના સરપંચશ્રી, સામાજિક કાર્યકર લલિતભાઈ વાળા, ગ્રામ પંચાયતના સભ્યશ્રીઓ, પ્રાથમિક કન્યા શાળા પરિવાર, આચાર્યશ્રી, સમગ્ર સ્ટાફ તથા ગ્રામજનો દ્વારા હાર્દિક અભિનંદન પાઠવવામાં આવ્યા છે. સાથે જ તેમના ભવિષ્યના કાર્યકાળમાં ઉત્તરોત્તર પ્રગતિ કરે અને શિક્ષણ ક્ષેત્રે વધુ યશ પ્રાપ્ત કરે તેવી શુભકામનાઓ વ્યક્ત કરવામાં આવી છે.