Gujarat News : અમદાવાદ ગ્રામ્ય: વિવેકાનંદનગર પોલીસ સ્ટેશનના લોકરક્ષક ₹6 હજારની લાંચ લેતા ACBના હાથે ઝડપાયા

रिपोर्टर रविंद्रसिंह सिसोदिया जामनगर गुजरात

અમદાવાદ (ગુજરાત). અમદાવાદ ગ્રામ્ય જિલ્લાના વિવેકાનંદનગર પોલીસ સ્ટેશન ખાતે ફરજ બજાવતા લોકરક્ષક મિતુરાજસિંહ ઉર્ફે મોન્ટુભાઈ મહાવીરસિંહ ચુડાસમાને રૂ. 6,000ની લાંચ લેતા ભ્રષ્ટાચાર વિરોધી બ્યુરો (ACB) દ્વારા રંગેહાથ ઝડપવામાં આવ્યા છે. પ્રાથમિક માહિતી અનુસાર, આક્ષેપિત લોકરક્ષકે ફરિયાદી પાસેથી વિવેકાનંદનગર પોલીસ સ્ટેશનના વિસ્તારમાંથી દેશી દારૂ ભરેલું એક્ટિવા વાહન પસાર કરવા બદલ રૂ. 6,000ની લાંચની માંગણી કરી હતી. ફરિયાદના આધારે ACBએ છટકું ગોઠવી કાર્યવાહી હાથ ધરી હતી.

કાર્યવાહી દરમિયાન આક્ષેપિતને લાંચની રકમ સ્વીકારતા રંગેહાથ ઝડપી લેવામાં આવ્યો હતો. ACB દ્વારા આરોપી સામે ભ્રષ્ટાચાર નિવારણ અધિનિયમ હેઠળ ગુનો નોંધી વધુ તપાસ હાથ ધરવામાં આવી છે. આ મામલે ACB દ્વારા લાંચ પ્રકરણના તમામ પાસાઓની તપાસ કરવામાં આવી રહી છે અને જરૂરી કાયદેસરની કાર્યવાહી આગળ ધપાવવામાં આવી રહી છે.