*ઝુરા કેમ્પ ખાતે બોર્ડર વિંગના બે જવાનો સવાઈસિંહ ભૂરજી સોઢા અને કારુભા ઈજતાજી સોઢા નિવૃત્ત થતાં સન્માન સમારોહ યોજાયો*

ભુજ તાલુકાના ઝુરા કેમ્પ ખાતે બોર્ડર વિંગમાં વર્ષો સુધી નિષ્ઠાપૂર્વક અને સમર્પિત ભાવનાથી સેવા આપનાર શ્રી સવાઈસિંહ ભૂરજી સોઢા અને શ્રી કારુભા ઈજતાજી સોઢા નિવૃત્ત થતાં તેમના માન-સન્માન માટે ભાવભર્યો વિદાય સમારોહ યોજાયો હતો.

સમારોહ દરમિયાન બંને નિવૃત્ત જવાનોને પુષ્પહાર પહેરાવી, શાલ ઓઢાડી તેમજ સ્મૃતિચિહ્ન અર્પણ કરી સન્માનિત કરવામાં આવ્યા હતા. સહકર્મચારીઓ, અધિકારીઓ, પરિવારજનો અને શુભેચ્છકોએ તેમની લાંબી અને નિષ્ઠાવાન સેવાઓને બિરદાવી હતી.

પ્રસંગે વક્તાઓએ જણાવ્યું હતું કે બંને જવાનોએ પોતાની સેવાકાળ દરમિયાન શિસ્ત, પ્રામાણિકતા અને ફરજનિષ્ઠાનું ઉત્તમ ઉદાહરણ પૂરું પાડ્યું છે. તેમની સેવાઓ બોર્ડર વિંગ માટે હંમેશા યાદગાર રહેશે અને યુવા કર્મચારીઓ માટે પ્રેરણારૂપ બનશે.

નિવૃત્ત થયેલા બંને જવાનોએ પોતાના સેવાકાળ દરમિયાન મળેલા સહકાર બદલ સૌનો આભાર વ્યક્ત કર્યો હતો. કાર્યક્રમના અંતે ઉપસ્થિત સૌએ તેમના સ્વસ્થ, સુખમય અને દીર્ઘાયુષ્યપૂર્ણ નિવૃત્ત જીવન માટે શુભકામનાઓ પાઠવી હતી.

સમારોહમાં મોટી સંખ્યામાં સહકર્મચારીઓ, મિત્રો અને પરિવારજનો ઉપસ્થિત રહ્યા હતા.