Gujarat News : ગીર સોમનાથ: પ્રાચીમાં SBI બેંક પાછળ ગંદકીના ઢગલા, રોગચાળો ફાટી નીકળવાની ભીતિ

रिपोर्टर परमार कनकसिंह प्राची गुजरात

ગીર સોમનાથ (ગુજરાત): સુત્રાપાડા તાલુકાના પ્રાચી ગામમાં એસબીઆઈ (SBI) બેંકની પાછળના વિસ્તારમાં ગંદકીના ઢગલા જમા થતાં સ્થાનિકોમાં રોગચાળો ફાટી નીકળવાની ભીતિ વ્યક્ત કરવામાં આવી રહી છે. સ્થાનિક લોકોના જણાવ્યા અનુસાર, લાંબા સમયથી વિસ્તારમાં કચરો અને ગંદકી દૂર કરવામાં આવી નથી, જેના કારણે દુર્ગંધ ફેલાઈ રહી છે અને મચ્છર સહિત જીવાતોનો ઉપદ્રવ વધી રહ્યો છે. જો સમયસર સફાઈ અને દવાનો છંટકાવ નહીં કરવામાં આવે તો ચેપી રોગચાળો ફાટી નીકળવાની શક્યતા હોવાનું લોકોનું કહેવું છે.

સ્થાનિક નાગરિકોએ પ્રાચી ગ્રામ પંચાયતને તાત્કાલિક ગંદકી દૂર કરવા, કચરાનો યોગ્ય નિકાલ કરવાની વ્યવસ્થા કરવા તેમજ વિસ્તારમાં દવાનો છંટકાવ કરાવવા માંગ કરી છે, જેથી જાહેર આરોગ્યને જોખમ ન રહે. હવે જોવાનું રહ્યું કે સંબંધિત પંચાયત અને સ્થાનિક તંત્ર લોકોની માંગને ધ્યાનમાં લઈ વહેલી તકે યોગ્ય કાર્યવાહી કરે છે કે નહીં.