Gujarat News : તાલાલા ગીર શહેર અને તાલુકાના તમામ જાગૃત નાગરિકો, સમાજસેવકો, યુવા મિત્રો, વિદ્યાર્થીઓ, વકીલ મિત્રો, શિક્ષકો, ખેડૂત સંગઠનો, વેપારી મંડળો, કર્મચારી સંગઠનો, વિવિધ સામાજિક-ધાર્મિક સંસ્થાઓ તથા તમામ રાજકીય પક્ષોના પ્રતિનિધિઓને નમ્ર અપીલ.

रिपोर्टर जादव दीपक भाई गिर सोमनाथ गुजरात

દેશના યુવાનોના ભવિષ્ય, શિક્ષણ વ્યવસ્થામાં પારદર્શિતા, સ્પર્ધાત્મક પરીક્ષાઓમાં નિષ્પક્ષતા અને લોકશાહી મૂલ્યોના રક્ષણ જેવા અગત્યના મુદ્દાઓને લઈને સામાજિક કાર્યકર શ્રી સોનમ વાંગચુકજી તથા અન્ય નાગરિકો દ્વારા ચાલી રહેલા આંદોલન અંગે સમગ્ર દેશમાં ચર્ચા ચાલી રહી છે. તાજેતરમાં જંતર-મંતર ખાતે વિદ્યાર્થીઓ અને આંદોલનકારીઓ સાથે થયેલી કાર્યવાહી અંગે વિવિધ પ્રકારની ચર્ચાઓ, આક્ષેપો અને ચિંતાઓ સામે આવી છે. જો ક્યાંય અતિરેક બળપ્રયોગ થયો હોય અથવા આંદોલન દરમિયાન અસામાજિક તત્વો કે અન્ય વ્યક્તિઓ ઘૂસ્યાની ફરિયાદો કરવામાં આવી હોય, તો તેની નિષ્પક્ષ અને પારદર્શક તપાસ થવી જોઈએ જેથી સાચી હકીકત દેશ સમક્ષ આવી શકે અને જવાબદારી નક્કી થઈ શકે.

આ સંજોગોમાં તાલાલા ગીરમાં પણ શાંતિપૂર્ણ, બંધારણીય અને કાયદેસર સમર્થન કાર્યક્રમ યોજવો જોઈએ. તે અંગે સ્થાનિક નાગરિકો અને વિવિધ સંગઠનોનો અભિપ્રાય મેળવવા માટે જનમંત્રણા બેઠક યોજવામાં આવે છે.
🗓️ તારીખ: ૨૩/૦૭/૨૦૨૬ (ગુરુવાર)
🕒 સમય: સાંજે ૦૫:૦૦ કલાકે
📍 સ્થળ: ડો. બી. આર. આંબેડકર સાહેબની પ્રતિમા, ભગતસિંહ ચોક, તાલાલા ગીર

બેઠકના મુખ્ય મુદ્દાઓ:- સોનમ વાંગચુકજીના આંદોલનની વર્તમાન પરિસ્થિતિ અંગે માહિતી. વિદ્યાર્થીઓ, યુવાનો અને મહિલાઓ સાથે થયેલા અત્યાચાર, મારપીટ સામે કાર્યવાહી અંગે ચર્ચા અને જો ક્યાંય અતિરેક બળપ્રયોગ થયો હોય તો તેની નિષ્પક્ષ તપાસની માંગ અંગે વિચારણા. આંદોલન દરમિયાન અસામાજિક તત્વો અથવા અન્ય વ્યક્તિઓ ઘૂસ્યાના આક્ષેપો અંગે નિષ્પક્ષ તપાસની માંગ કરવી. તાલાલા ગીરમાંથી લોકશાહી અને બંધારણીય રીતે સમર્થન કાર્યક્રમ યોજવો તે અંગે ખુલ્લી ચર્ચા. ધરણા, મૌન રેલી, આવેદનપત્ર અથવા અન્ય શાંતિપૂર્ણ કાર્યક્રમ અંગે નિર્ણય. તમામ કાર્યક્રમો માટે જરૂરી વહીવટી મંજૂરી મેળવી કાયદાનું સંપૂર્ણ પાલન થાય તેની ખાતરી કરવી. તાલુકાના ચૂંટાયેલા જનપ્રતિનિધિઓ, જિલ્લા વહીવટીતંત્ર, રાજ્ય સરકાર તથા ભારત સરકારને આવેદનપત્ર મોકલવાનો નિર્ણય.  દેશના મહામહિમ રાષ્ટ્રપતિ, વડાપ્રધાન, સંબંધિત કેન્દ્રીય મંત્રીઓ અને અન્ય જવાબદાર સત્તાધિકારીઓ સુધી તાલુકાના નાગરિકોની લાગણી અને માંગણીઓ પહોંચાડવા અંગે ચર્ચા. સર્વસંમતિથી આગળની કાર્યવાહી નક્કી કરવી.

ખાસ અપીલ:- આ લડત માત્ર દિલ્હીમાં એકત્ર થયેલા યુવાનોની નથી. આ પ્રશ્ન આપણા ગામના, આપણા તાલુકાના, આપણા રાજ્યના અને આપણા પોતાના પરિવારના બાળકોના ભવિષ્યનો છે. આજે જો શિક્ષણ વ્યવસ્થામાં પારદર્શિતા, સ્પર્ધાત્મક પરીક્ષાઓમાં નિષ્પક્ષતા અને લોકશાહી અધિકારો માટે અવાજ નહીં ઉઠાવીએ, તો આવતીકાલે તેની અસર આપણા સંતાનો પર પણ પડશે. આપણે કોઈ પક્ષ કે વ્યક્તિ માટે નહીં, પરંતુ દેશના દરેક વિદ્યાર્થીના સમાન અધિકાર, ન્યાય અને ઉજ્જવળ ભવિષ્ય માટે લોકશાહી અને શાંતિપૂર્ણ રીતે પોતાનો અભિપ્રાય વ્યક્ત કરવો છે. આ બેઠકનો હેતુ કોઈ રાજકીય વિવાદ ઊભો કરવાનો નથી. હેતુ માત્ર લોકશાહી સંવાદ દ્વારા સ્થાનિક નાગરિકોનો અભિપ્રાય મેળવી સામૂહિક અને જવાબદાર નિર્ણય કરવાનો છે. આથી તાલાલા ગીર શહેર અને તાલુકાના તમામ જાગૃત નાગરિકોને નમ્ર અપીલ છે કે મોટી સંખ્યામાં ઉપસ્થિત રહી પોતાના સૂચનો અને અભિપ્રાયો રજૂ કરી આ લોકશાહી પ્રક્રિયામાં સહભાગી બનો.

આયોજક:
દીપકભાઈ જાદવ
📞 મો.: 9979797775

જયેશભાઈ ચાવડા
📞 મો.: 7383866326

કિરીટભાઇ કામળીયા
મો. 9978915135

પ્રવિણભાઈ ખૈર
મો. 9081541041

“આપનો અભિપ્રાય – આપણો સંયુક્ત નિર્ણય.” “આજે વિદ્યાર્થીઓ માટે ઊભા રહીશું, તો આવતીકાલે આપણા બાળકોનું ભવિષ્ય વધુ સુરક્ષિત રહેશે.” “લોકશાહીનો અર્થ વિરોધ નહીં, પરંતુ નાગરિકનો જવાબદાર અવાજ છે.”