Gujarat News : એ.બી.સ્કૂલનું નામ રાજ્ય કક્ષાએ ઝળક્યું

બ્યુરો ચીફ ચિરાગ ભટ્ટ નવસારી ગુજરાત

હાલમાં 10 માર્ચ, 2025 ના રોજ ગાંધીનગર ખાતેના ટાઉનહોલમાં ગુજરાત રાજ્ય બાળ પ્રતિભા શોધ સ્પર્ધા – 2025 યોજાઈ હતી. જેમાં નવસારી એ.બી.સ્કૂલની ધોરણ-8 ગુજરાતી માધ્યમની વિદ્યાર્થિની દિત્યા ચેતનકુમાર પટેલે ભાગ લઈ સમગ્ર નવસારી જિલ્લાનું પ્રતિનિધિત્વ કર્યું હતું.

આ બાળ પ્રતિભા શોધ સ્પર્ત્ધામાં દિત્યાએ બ – વિભાગમાં “સર્જનાત્મક કારિગરી” માં ભાગ લઈ ઉત્કૃષ્ટ સુંદર કૃતિ તૈયાર કરી હતી. તેણે is સમગ્ર રાજયમાં પ્રથમ ક્રમ પ્રાપ્ત કરી માતા – પિતાનું, શાળાનું તેમજ નવસારી જિલ્લાનું ગૌરવ વધાર્યું છે.

દિત્યાની આ અનેરી સિધ્ધી પ્રાપ્ત કરવા બદલ શાળાના ટ્રસ્ટીગણ, આચાર્યશ્રી તેમજ શિક્ષકગણે દિત્યા અને તેના માતા – પિતાને ખૂબ ખૂબ અભિનંદન પાઠવ્યા હતા.